ឃាត់ខ្លួនស្ត្រីម្នាក់ ពាក់ព័ន្ធទៅនឹងករណីគ្រឿងញៀន
ខេត្តបាត់ដំបង៖យោងតាមរបាយការណ៍របស់កម្លាំងនគបាលផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកសំពៅលូន បានបញ្ជាក់ថា ស្ត្រីជាជនសង្ស័យម្នាក់ ឈ្មោះ ប៊ុន ធឿន ហៅ( ពែក) ភេទស្រី អាយុ៤២ឆ្នាំ មានទីលំនៅភូមិជ្រៃ ឃុំបឹងបេង ស្រុកម៉ាឡៃ ខេត្តបន្ទាយមានជ័យ រួមនិងវត្ថុតាងថ្នាំញៀនមួយចំនួន ត្រូវបានកម្លាំងនគបាលផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកសំពៅលូន ចាប់ឃាត់ខ្លួនកាលពីថ្ងៃទី១២ ខែកុម្ភះ ឆ្នាំ២០២១ វេលាម៉ោងជាង១៧ នៅចំណុចក្រុមទី០៩ ភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង។
នគរបាលផ្នែកប្រឆាំងគ្រឿងញៀនបញ្ជាក់ថា វត្ថុតាងចាប់យកបានរួមមាន៖ថ្នាំញៀនប្រភេទមេតំហ្វេតាមីន (ម៉ាទឹកកក ICE) ១ថង់ ទម្ងន់ ៥០,០០ក្រាម (ទាំងសំបក)-ទូរស័ព្ទដៃចំនួន ០១គ្រឿង (ចាស់)។បច្ចុប្បន្នជនសង្ស័យ និងវត្ថុតាងបាននឹងកំពុងរៀបចំសំណុំរឿង បញ្ជូនទៅតុលាការ ដើម្បីចាត់ការបន្តតាមនីតិវិធីបន្ត៕
