ក្នុងវេទិកាសាធារណៈរបស់ក្រុមការងារ រាជរដ្ឋាភិបាលចុះមូលដ្ឋានខេត្តឧត្តរមានជ័យ នៅស្រុកបន្ទាយអំពិល ឯកឧត្តម មាន ចាន់យ៉ាដា អភិបាល នៃគណៈអភិបាលខេត្ឧត្តរមានជ័យ ឯកឧត្តមមានប្រសាសន៍ សង្កត់ធ្ងន់ទៅអំពីការប្រើប្រាស់កម្ចីពីគ្រឹះស្ថានហិរញ្ញ ដល់បងប្អូនប្រជាពលរដ្ឋនៅក្នុងស្រុកបន្ទាយអំពិល ក៏ដូចជាក្នុងខេត្តឧត្តរមានជ័យទាំងមូល ក្នុងនាមឯកឧត្តមកិត្តិសង្គហបណ្ឌិត គន់ គីម ប្រធានក្រុមការងាររាជរដ្ឋាភិបាលចុះមូលដ្ឋានខេត្តឧត្តរមានជ័យ ឯកឧត្តម មានកិត្តិយសចូលរួមជាមួយឯកឧត្តម ប្រធានក្រុមប្រឹក្សាខេត្ត ហើយអ្វីដែលឯកឧត្តម ចាប់អារម្មណ៍ខ្លាំង គឺនៅស្រុកបន្ទាយអំពិលតែម្តង គឺទំហំនៃការប្រើប្រាស់ឥណទានរបស់ប្រជាពលរដ្ឋ មានចំនួន ២១% ទូទាំងខេត្ត ដូច្នេះឯកឧត្តម ក៏បានដាក់ចេញនូវវិធានការចំពោះមុខក្នុងក្របខ័ណ្ឌខេត្ត សូមគ្រប់ស្ថាប័នផ្តល់ឥណទានទាំងអស់ ត្រូវសហការជាមួយអាជ្ញាធរមូលដ្ឋាន គ្រប់លំដាប់ថ្នាក់ឱ្យបានល្អប្រសើរ សម្រាប់ប្រតិបត្តិការនៅក្នុងភូមិសាស្ត្រខេត្តឧត្តរមានជ័យ ស្របតាមវិជ្ជាជីវៈរបស់ខ្លួន។ អាជ្ញាធរមូលដ្ឋានគ្រប់លំដាប់ថ្នាក់ ត្រូវពង្រឹង និងសិក្សាស្វែងយល់ឱ្យបានច្បាស់លាស់អំពីនីតិវិធីនៃការស្នើសុំឥណទាន ជាងនេះទៅទៀត ឯកឧត្តមបន្តថា អាជ្ញាធរមូលដ្ឋានគ្រប់លំដាប់ថ្នាក់ ត្រូវចុះអប់រំ ផ្សព្វផ្សាយដល់ប្រជាពលរដ្ឋឱ្យយល់ដឹងអំពីអត្ថប្រយោជន៍ និងហានិភ័យដែលអាចកើត ឡើងក្នុងករណីគ្មានផែនការច្បាស់លាស់ផងដរ ៕